بۆ روبەڕوبونەوەی هێرشەكانی روسیا، فەرەنسا یەکەم فڕۆکەی هێرش بەری لە جۆری میراج (2000)ـی رادەستی ئۆکرانیا کرد.


هەواڵ: (KNNC)


سێباستیان لێکۆرنو، وەزیری بەرگری فەرەنسا لە تۆڕی كۆمەڵایەتی (X) بڵاویكردەوە؛ ئەمڕۆ یەكەم فڕۆكەی جەنگی هێرش بەری لە جۆری میراج (2000)ـی رادەستی سوپاری ئۆكرانیا كردوە بۆ پارێزگاری كردن لە ئاسمانی وڵاتەكەیان و روبەڕوبونەوەی هێرشەكانی روسیا.


وتیشی: پێشتر لەلایەن ئیمانوێل ماکرۆن، سەرۆکی فەرەنساوە كە بەڵێنی بەئۆكرانیا دابو كە ئەو جۆرە فڕۆكەیان بۆ دابین بكات، بۆیە دوای چەند مانگێك لەمەشق و راهێنانی فڕۆكەوانەكانیان لەفەرەنسا ئەمڕۆ فڕكەكانیان رادەستكراوە.


ئۆکرانیا لەژێر هێرشی توندی ئاسمانی فڕۆكەكانی روسیادایە، ئەمڕۆ پێنجشەممە بەرگری ئاسمانی ئەو وڵاتەش  رایگەیاند: لە (24) كاتژمێری رابردودا مۆكسۆ بە (77) فڕۆكە هێرشی چڕیان كردوەتە سەر وڵاتەكەی و لەلایەن بەرگری ئاسمانییەوە وەڵام دراونەتەوە و (56) فڕۆکەی بێفڕۆکەوانی روسیایان بەئامانج گرتوە.


ئەوەی خستوەتەڕو، هێرشی درۆنەكانی روسیا ناوچەکانی خارکیڤ، پۆلتاڤا، سومی، کیێڤ، تێرکاسی، چێرنیهیڤ، ژیتۆمیر، ڤینیتسیا، زاپۆریژیا، دنیپەر، پترۆڤسک و ئۆدێسایان کردە بەئامانج گرتوە.


بەرگری ئاسمانی ئۆكرانیا ئاژماەی بۆ ئەوەشكردوە، شەوی چوارشەممە سوپای وڵاتەكەی توانیویانە كە فڕۆکەخانەی پریمۆرسکۆ - ئەختارسکیان لە ناوچەی کراسنۆدار لە روسیا بەئامانج بگرن و زیان بە ئەو وڵاتە بگەیەنن.