کیلیان مۆرفی دەیەوێت سینەمایەک نۆژەن بکاتەوە، کە بە منداڵی بینەری فیلمەکان بوە تێیدا، دەشڵێت: دەیەوێت بیرەوەرییەکانی منداڵی زیندو بکاتەوە.

هەمەڕەنگ:KNNC

سکای نیوزی بەریتانی بڵاویکردوەتەوە، کلیان مۆرفی ئەستێرەی بەناوبانگی ئێرلەندی لە بواری نواندن، سینەمای فۆنیکسی لە شاری دینگڵ-ـی لە ئیرلەندا کڕیەوە.

سینەماکە لەدوای100 ساڵ لە ئەنجامدانی چالاکی هونەری، بەڵام لە کۆتاییەکانی ساڵی 2019 و بەهۆی هاتنی ڤایرۆسی کۆرۆناوە داخراوە.

 مۆرفی بەهاوکاری هاوسەرەکەی، پلانیان هەیە لەساڵی داهاتوەوە بیناکە نۆژەنبکەنەوە و بیکەنەوە بە شوێنێکی تایبەت بە کاری هونەری.

لەبارەی سینەماکەوە مۆرفی وتویەتی: "لەگەڵ باوکم بە منداڵی لەو سینەمایە تەماشای فیلممان کردوە بۆیە ئێمە دەزانین کە سینەما بۆ دینگڵ مانای چییە؟".

 مۆرفی و هاوسەرەکەی، دوای کڕین و خاوەندارێتی سینەماکە جەختیانکردوەتەوە شوێنەکە وەک گەوهەرێکی سەربەخۆی هونەری  لە دڵی شارۆچکەکەدا دەمێنێتەوە.

سینەماکە رەمز و مێژویەکی شارەکەیە و بۆیەکەمجار لەلایەن برایان جیمی و جۆنی هۆلیهانەوە دروستکراوە و لە ساڵی 1919 چالاکی هونەری تێدا ئەنجامدراوە.