لە پێنج رۆژدا، نزیکەی 450 کەس لە سوریا کوژراون و بەپێی ئامارەکانی روانگەی سوریی بۆ مافەکانی مرۆڤ: زیاتر لە 60 هاوڵاتیی سڤیل لەنێو کوژراواندان.

هەواڵ:KNNC

روانگەی سوریی بۆ مافەکانی مرۆڤ، ئاماری قوربانییانی شەڕ و ئاڵۆزییەکانی پێنج رۆژی رابردوی سوریای بڵاوکردەوە و بەپێی ئامارەکان، لەو ماوەیەدا 446 کەس لە حەلەب و ئیدلب کوژراون.

بەگوێرەی ئامارەکانی روانگەکە، 200 چەکداری دەستەی تەحریری شام و 44 چەکداری هێزی نیشتیمانی هاوپەیمانی تورکیا لە پێکدادان و بۆردومانەکانی روسیا و سوریادا کوژراون.

لە بەرامبەردا 141 سەربازی سوپای سوریا و چەکدارانی نزیک لە ئێران و حکومەتی سوریا کوژراون.

هەر بەپێی ئامارەکان، لەو ماوەیەدا 61 هاوڵاتیی مەدەنى لە پێکدادانەکاندا کوژراون و 33 لەوانەش لە بۆردومانەکانی روسیادا بونەتە قوربانیی.