تورکیا بەردەوامە لە بۆردومانکردنی ناوچەکانی ژێر دەسەڵاتی هەسەدە و بەهۆی بۆردومانی ئەمبوڵانسێک، چوار کەس بونە قوربانیی و تەنها لە سێ ڕۆژیشدا زیاتر لە 70 کەس بەهۆی هێرشەکانی تورکیا و هێزە هاوپەیمانەکانى شەهیدبون.

هەواڵ:KNNC

ئاژانسی هەواڵی هاوار بڵاویکردەوە، تورکیا بەردەوامە لە بۆردومانکردنی شاری تل تەمر-ـی سەر بە کانتۆنی جزیرێ و بەهۆی هێرشی درۆنیی تورکیاوە بۆسەر ئەمبوڵانسێک لەسەر ڕێگەی سڕین_بەنداوی تشرین دو کەس شەهید بون و دو کەسی دیکەش برینداربون.

لەلایەکی دیکەوە، سەرچاوەیەک لە خۆبەڕێوەبەری ڕۆژئاوای کوردستان بە کەی ئێن ئینی ڕاگەیاند: تەنها لە سێ ڕۆژی ڕابردودا 71 کەسی مەدەنی بەهۆی هێرشەکانی تورکیا و هاوپەیمانەکانییەوە شەهیدبون، کە لەنێویاندا 18 ژن و 7 منداڵ هەن.