هاوڵاتیانی ئێزیدی: دوای پێنج ساڵ ئیتر كاتی ئەوەیە بگەڕێینەوە بۆ زێدی خۆمان

هاوڵاتیانی ئێزیدی كە ئاوارەی كەمپەكانی دهۆكن,  بە ئاوارەیی یادی كۆمەڵكوژی شەنگالیان كردەوە و داواشیان لە هەردوو حكومەتی هەرێم و عێراق دەكرد, دوای پێنج ساڵ ئیتر كاتی ئەوەیە شەنگال ئاوەدان بكەنەوەو ئێزیدیەكانیش بگەڕێنەوە بۆ سەر ماڵ و حاڵی خۆیان.

بەشێك لە چالاكانی ئێزیدیش رەخنەی ئەوە دەگرن, كە دوای پێنج ساڵ لە كۆمەڵكوژی شەنگال, هێشتا ناوچەكەیان ئاوەدان نەكراوتەوەو كاریش نەكراوە بۆ ئەوەی ئێزدیەكان لە ژیانی ئاوارەیی رزگار بكرێن.