دەزگای لوتکە بۆ کاروباری پەنابەران ڤیدیۆی بارودۆخی خراپی ١٣ کۆچبەری هەرێم بڵاودەکاتەوە کە لە دەریای ئیجەدان و لە دۆخێکی خراپدان لەبەر ئەوەی شوێنی گونجاویان بۆ فەراهەم نەکراوە.

بەپێی زانیارییەکانی دەزگاکە، ئەو ١٣ کۆچبەرە خەڵکی ناحیەی حاجیاوای سەر بە قەزای ڕانیەن و ویستوویانە بچنە وڵاتی یۆنان، بەڵام قاچاخچییەکەیان ڕاستی لەگەڵ نەکردوون و چوار شەو لەناو دەریا ماونەتەوە.

ئەو ١٣ کۆچبەرە لەلایەن پۆلیسی یۆنانەوە دەستگیرکراون و گواستراونەتەوە بۆ یۆنان و دوو لەو کۆچبەرانە گەڕاونەتەوە هەرێمی کوردستان.