لە ماوەی سێ رۆژدا هێزە ئەمنییەکانی تورکیا، ٧٢٠ کۆچبەری نایاساییان لە شاری ئیزمیر، دەستگیرکردووە.

میدیاکانی تورکیا بڵاویانکردووەتەوە، تیمه‌كانی ئاسایشی كه‌ناراوه‌كان له‌ شارۆچكه‌كانی چه‌شمه‌، دیكیلی، عه‌لیئاغا، فۆچا، مه‌نده‌ره‌س، كارابورون و ئورلای سەر بە شاری ئیزمیر، ٧٢٠ کۆچبەری نایاساییان لە ناو بەلەمەکاندا دەستگیرکردووە کە بەنیازبوون لە ریگەی ئاوییەوە بڕۆن بۆ ئەوروپا.

بەپێی میدیاکانی ئەو وڵاتە، کۆچبەرەکان هەڵگری رەگەزنامەی سوری و ئەفغانی بوون و دوای دەستگیرکردنیان گه‌یه‌نراونەتە‌ وشكانی و راده‌ستی به‌ڕێوه‌به‌رایه‌تی كۆچ و كۆچبه‌رانی ئیزمیركراون.