وەزارەتی ناوخۆی هەرێم هۆشداری دەداتە سەرجەم بەڕێوەبەرایەتی گشتی هاتوچۆی هەرێم و سەرجەم بەڕێوەبەرایەتییەکانی هاتوچۆی پاریزگاکان و یەکە ئیدارییەکانی گەرمیان و ڕاپەڕین لەبارەی تابلۆی ساختەوە.

لە هۆشدارییەکەی وەزارەتی ناوخۆدا هاتووە "بە هەموو شێوەیەک بەکارهێنانی تابلۆی ژمارە کاتی بۆ ئۆتۆمبیلی فەرمانگە حکومییەکان و بەکارهێنانی تابلۆی ساختە لەلایەن شۆفێرانەوە قەدەغەیە و سەرپێچیکار دووچاری لێپرسینەوەی یاسایی دەبێت".

هۆشدارییەکەی وەزارەتی ناوخۆی هەرێم لەکاتێکدایە کە پێشتر لایەنی پەیوەندیدار لەبوونی وەها حاڵەتێک ئاگادارکراوەتەوە.