ئەڤرۆ گەرا هەڤبەشا پۆلیسیێ سەربازی یێ روسیا و ئارتێشا توركیا ل ناڤچەیا دربێسیێ ل رۆژاڤایێ كوردستانێ هاتە كرن.

چارەم گەرا هەڤبەشا هەردوو هێزان ژ گوندێ شەریكێ یا سەر ب دربێسیێ دەستپێكر.

پشتی كو ئۆتۆمبێلێن سەربازی یێن هەردوو وەلاتان ژ گوندێن بیر كنیسێ، تەورات، شەفقەت، تربە، تل كەرمە، خەنامیە، تل كدیش و سەلام ئالیك دەرباس بون، جارەك دن ڤەگەریان گوندێ شەریكێ و داوی ل گەرا خۆ ئینان.

د دەما دەربازبونێ ژ ناڤ گوندێن  دەڤەرا دربێسیێ، هێزێن سەر ب ئارتێشا توركیا ژ ئالیێ نشتەجهێت ناڤچەیێ ڤە هاتن بەر بارانكرن.