ئاژانسی هەواڵی
ڕۆیتەرز ئاشکرایکرد فەرەنسا بڕیاریداوە کە ١١ هاوڵاتی فەرەنسی کە چەکداری داعش
بوون و تورکیا ڕەوانەی کردوونەتەوە، وەرگرێتەوە.
ئاژانسەکە لە زاری كریستۆڤ كاستانیر، وه‌زیری ناوخۆی فه‌ره‌نسا ڕایگەیاندووە
"سەرەڕای ئەوەی تورکیا ئەو ١١ چەکدارەی ڕەوانەی فەرەنسا کردووەتەوە، فەرەنسا
وەریاندەگرێتەوە و دەیانخاتە ژێر چاکسازی و چاودێرییەوە".
تا ئێستا ٢٥٠ کەسی
فەرەنسی کە پێشتر چەکداری داعش بون یان پەیوەندیان بە داعشەوە بووە وەرگرتووەتەوە
و خستوونیەتە ژێر چاودێرییەوە.
فەرەنسا زیاتر لە هەر
وڵاتێکی ئەوروپی لە خەمی وەرگرتنەوە یان ئاگاداری ئەو کەسانەیە کە فەرەنسین و
چەکداری داعشبوون، پێشتریش لەسەر هەڵاتنی چەند ژنێکی خێزانەکانی چەکدارانی داعش لە
کەمپی هۆلی ڕۆژئاوای کوردستان وەزیری دەرەوەی فەرەنسا ژان لۆدریان سەردانی عێراق و
هەرێمی کوردستانیکرد.
سەرەڕای ئەو چەکدارە
داعشانەی تورکیا زیاتر لە ٥٠٠ کەسی دیکەی فەرەنسی چەکداری داعش بوون و ئێستا لەناو
زیندانەکانی هەسەدەدان.
1381 جار خوێندراوەتەوە