بەرپرسانی ووهان نەخۆشخانە هەزار قەرەوێڵەییەکەیان داخست، ئه‌وه‌ش دوای ئەوەی کۆتا تووشبووی ڤایرۆسی کۆرۆنا لە نەخۆشخانەکە دەرچوو و چاکبووەوە.
تەلەڤزیۆنی فەرمیی دەوڵەتی چین بڵاویکردەوە، ئەمڕۆ کۆتا تووشبوو لەو 34 کەسەی لە نەخۆشخانە هەزار قەرەوێڵەییەکە، مابوونەوە چاکبووە و دەرچوو ئەوەش دوای ئەوەی رێژەی تووشبوون بەشێوەیەکی بەرچاو لەو شارە و هەرێمی هوبی هاتەخوارەوە.
ووهان سەنتەری بڵاوبوونەوەی ڤایرۆسی کۆرۆنایە و زۆرترینی ئەوانەی گیانیان لەدەستداوە لەو شارەی چینن کە 11 ملیۆن کەسی لێنیشتەجێبوون.
له چوارچێوه‌ى ڕێكاره‌كان بۆ رووبەڕووبوونەوەی کۆرۆنا ووهان 16 نەخۆشخانەی دروستکرد و 13 هەزار تەختی خەواندنی نەخۆشی بۆ نەخۆشخانەکانی زیادکرد، دوای ئەوەش ژمارەی تەختی خەواندنی نەخۆش لە نەخۆشخانەکانی ووهان لە پێنج هەزارەوە بۆ 23 هەزار زیادیکردووە.
10630 جار خوێندراوەتەوە