لەمیانى سەردانەکەى سەرۆک کۆمارى ئێران
بۆ عێراق 14 یادشتنامەى لێکتێگەیشتن لەنێوان هەردو وڵات لە 11
بوارى جیاوازدا واژۆ دەکرێت.
هەواڵ:KNNC
ئەسیر داود غرێرى، وەزیرى بارزگانى عێراق
رایگەیاند، لە میانى سەردانەکەى مەسعود پزیشکیاندا، وڵاتەکەى و ئێران 14
یادشتنامەى لێکتێگەیشتن واژۆ دەکەن.
وتیشى: ماوەى دوو رۆژە گفتوگۆى لایەنى
عێراقى و ئێرانى بەردەوامە و هەردولا گەیشتونەتە رێککەوتن لەبارەى رەشنوسى کۆتایى ناوەڕۆکى
لێکتێگەیشتنەکان.
وەزیرى بارزگانى عێراق رونیشى کردەوە، لێکتێگەیشتنەکان
تایبەتن بە بوارەکانى کشتوکاڵ، سەرچاوەکانى ئاو، گەیاندن، پۆست، ناوچەى
بازرگانى ئازاد، چاودێرى کۆمەڵایەتى، مەشق و راهێنان، راگەیاندن، گەشتوگوزار، پەروەردە
و بازرگانى هاوبەش.
بەیانى ئەمڕۆ؛ مەسعود پزیشکیان، سەرۆک کۆمارى ئێران گەیشتە شارى
بەغداد و لەلایەن محەمەد شیاع سودانى، سەرۆک وەزیرانى عێراقەوە پێشوازى لێکرا، ئەم
سەردانەى سەرۆککۆمارى ئێران بڕیارە سێ رۆژ بخایەنێت و لەدرێژەى سەردانەکەیشدا بێتە
هەولێر و سلێمانیش.
73 جار خوێندراوەتەوە