بەهۆی كەمبونەوەی هەلی كار و روبەروبونەوەی بە قەیرانی دارایی،
لە شەش مانگی یەكەمی ئەمساڵدا (28) هەزار هاوڵاتی
توركیا رویان لە ئەوروپا كردوە.
ئابوری: (KNNC)
لەوبارەیەوە، تاجیرە بەکتاش، شرۆڤەکاری سیاسی و ئابوری رایگەیاند:
بەهۆی زۆربونی ژمارەی پەنابەران لە توركیا، ژمارەیەكی زۆر گەنجی وڵاتەكەی لە
بەدەستهێنانی هەلی كار بێبەشكردوە، ئەوە بێجگە لەوەی ساڵانێكە توركیا بەدەست
قەیرانێكی ئابوری سەختەوە دەناڵێنێت.
وتیشی: یەكێكی دیكە لە هۆماری سەرەكییەكانی كۆچكردن بۆ
ئەوروپا، هۆمكاری سیاسییە كە زیاتر لە ئەو كەسانەی ویستی كۆچكردنیان هەیە لەكەمە
ئاینە جیاوازەكان و نەتەوەكانی عەلەوی و كورد پێكهاتون، رونیكردەوە، ژمارەی
پەنابەران لە توركیا بۆ نزیكەی (10) ملیۆن پەنابەر نزیك بوەتەوە، كە ئەوانیش لە
هاوڵاتیانی سوری، ئەفغانی و فەلستینی و ژمارەیەك وڵاتی دیكە لەخۆدەگرێت.
تاجیرە بەکتاش ئاماژەی بۆ ئەوەشكرد، سەرباری خستنەروی چەندین
بەرنامەی تایبەت بە هەوڵدان بۆ گەشەسەندویی ئابوری، بەڵام بێ متمانەیی و نادڵنیایی
لە ئایندە گەنجان هاندەدات بۆ ئەوەی بڕیاری كۆچ بدەن و لە وڵاتێكی ئەوروپا
نیشتەجێببن و چاوەڕوانی ئەنجامەكانی وەزارەتی دارایی و گەنجینەی توركیا نەكەن.
لە راپۆرتێكی خۆیدا، ئاژانسی ئەوروپا بڵاویکردوەتەوە، كۆی گشتی
ئەو پەنابەرە توركانەی لە شەش مانگی یەکەمی ساڵی (2024)ـدا رویان لە وڵاتانی
ئەوروپا كردوە (28) هەزار و (224) كەسن و داوای مافی پەنابەرییان کردوە، كە لە ئەڵمانیا لەسەدا (57%)ـیان کە دەکاتە (16) هەزار
و (88) کەس داواکارییەکانی وەرگرتوە، دواتر فەرەنسا بە چوار هەزار و (382) کەس، یۆنانیشبە
دو هەزار کەس.
121 جار خوێندراوەتەوە