دوای ئەوەی باوكی بۆ نوێژی بەیانی لەخەوهەڵدەستێنێت، كچێكی تەمەن (13) ساڵان باوكی دەكوژێت و پێشمەرگەیەكیش لەروداوێكی هاتوچۆدا گیان لەدەستدەدات.

هەواڵ: (KNNC)

كەسێكی نزیك لە كوژراوەكە بە (KNN)ـی رایگەیاند: بەرەبەیانی ئەمڕۆ پێنجشەممە (2024/9/19) لەناحیەی كەسنەزانی سنوری هەولێر، كچێكی تەمەن (13) ساڵ باوكە تەمەن (45) ساڵەكەی بۆ نێژی بەیانی بەخەبەردەهێنێت، دواتر بەچەقۆ هێرش دەكاتەسەری و دەیكوژێت.

ئاماژەی بۆ ئەوەشكردوە، لەلایەن پۆلسی تاوانەوە لێكۆڵینەوە لەروداوەكە كراوە و كچەكە راستی روداوەكەی ئاشكراكردوە كە باوكی خۆی كوشتوە، لە ئیستادا كچەكە دەستگیركراوە.

هاوكات، پەیامنێری (كەی ئێن ئێن) لە كەركوك رایگەیاند: كەمێك پێش ئیستا و لەروداوێكی هاتوچۆدا لەسەر رێگای قوشتەپە، ئۆتۆمبێلێک پێشمەرگەیەک دەشێلێت و دەستبەجێ گیان لەدەستدەدات، راستەوخۆش شۆفێری ئۆتۆمبێلەکە هەڵدێت.