لە ئەنجامی هێرشێكی فەرماندەیی
ئۆپراسیۆنە هاوبەشەكان لە كەركوك، شەش ئەندامی داعش بە ئامانج گیران كە یەكێك لە
كوژراوەكان سەركردەیەكی مەترسیداری رێكخراوەكەیە.
هەواڵ: (KNNC)
شانەی ئەمنی عێراق رایگەیاند: لەسەر
بنەمای زانیاری ورد و بەپشت بەستن بە رێنماییەكانی سەرۆك وەزیرانی عێراق،
بەبەكارهێنانی فڕۆكەی (F16) هێزەكان
توانیویانە هێرشێك بۆ سەر بنكە و بارەگاكانی پاشماوەی داعش لە پارێزگای كەركوك
ئەنجام بدەن و تیادا شەش ئەندامی ئەو گروپە یەئامانج بگرن، كەیەكێكیان بەرپرسێكی
باڵایە.
ئەوەی رونكردوەتەوە، دوای ئەنجامدانی
هێرشەكە و هەڵكوتانە سەر حەشارەگەكەیان، دەزگای هەواڵگری نیشتیمانی عێراق
توانیویەتی مە هەریەكە لە ئەندامانی گروپەكە عومەر سەلا، كە نازناوی ئەبو خەتابی
بۆ خۆی بەكارهێناوە و یەکێکە لە مەترسیدارترین سەرکردەی گروپەكانی داعش، قاتع حەمدان
لە ویلایەتی کەرکوک و عوسمان ئەبو عەبد، عیزەدین هیشام بناسنەوە كەلە
ئۆپراسیۆنەكەدا كوژراون.
شانەی ئەمنی عێراق ئاماژەی بۆ
ئەوەشكردوە، لەبنكە و حەشارەگەی پاشماوەكانی داعش دەستبەسەر ژمارەیەک پشتێنی تەقەمەنی،
چەک، تەکنیکی تێدابوە". ئامێرەکان و مۆبایلە جۆراوجۆرەکان کە لەلایەن ئەندامانی
رێكخراوەكەوە بەکارهێنراون گیراوە.
50 جار خوێندراوەتەوە