قائیمقامیه‌تی هه‌ولێر: به‌هۆی شیاونه‌بوونی خواردنی به‌رهه‌مه‌كانی كارگه‌كه داخراوه
له شاری هه‌ولێر, كارگه‌یه‌كی دروستكردنی ماست و قه‌یماغ داخرا، قایمقامیه‌تی هه‌ولێریش ڕایده‌گه‌یه‌نێت: به‌هۆی شیاو نه‌بوونی خواردنی به‌رهه‌مه‌كانی كارگه‌كه, داخراوه.
له ڕاگه‌یه‌نراوێكدا, قایمقامیه‌تی هه‌ولێر, بڵاوی كرده‌وه: له ڕێگه‌ی به‌شی پۆلیسی شاره‌وانییه‌وه, كارگه‌یه‌كی دروستكردنی ماست و قه‌یماغیان له شاری هه‌ولێر, داخستوه.
ئاماژه‌ی به‌وه‌ش كردوه: ئه‌و كارگه‌یه, به‌رهه‌می ماست و قه‌یماغه‌كه‌ی بۆ خواردن شیاو نه‌بوه‌و كارگه‌كه پابه‌ندن نه‌بوه به جێبه‌جێكردنی ڕێنماییه ته‌ندروستییه‌كان و ته‌نانه‌ت مۆڵه‌تی ده‌رهێنانی كارگه‌شی نه‌بوه.
ئه‌وه‌ش خراوه‌ته‌ڕوو, له‌سه‌ر داوای به‌ڕێوه‌به‌رایه‌تیی چاودێریی بازرگانیی هه‌ولێر, ڕێكاری یاسایی به‌رامبه‌ر ئه‌و كارگه‌یه ده‌گیرێته به‌ر و خاوه‌نه‌كه‌ی ڕووبه‌ڕووی دادگا ده‌كرێته‌وه.
2083 جار خوێندراوەتەوە