وەک لە وێنەکان دەردەکەوێت؛ لە دەڤەرى باڵەکایەتی ورچێکى قاوەیی کوژراوە و تا ئێستاش لایەنى پەیوەندیدار لەوبارەیەوە دەستگیرکردنى هیچ تاوانبارێکى رانەگەیاندوە.

سابیر درى، فۆتۆگرافەرە و لەوبارەیەوە نوسیویەتى:"مخابن بۆ کوشتنی گیاندارە کێوییەکان و بە تایبەت ورچەکان کە زۆرێک لە ولاتانی جیهان تامەزرۆی هەبونی ورچی قاوەیین، چونکە ورچەکان و گیاندارەکانی تری وەک پڵنگ و گۆرگەکان و …هتد، هۆکار و پێوەرێکی گرنگی ناوچەکەن بۆ دەوڵەمەندی ژیانی کێوی لەو ناوچانەی لێی دەژین".

بەپێی زانیارییەکانى پەیامنێرى کەى ئێن ئێن، لە ئێستادا پۆلیسى باڵەکایەتیی بەدواى تۆمەتبارى یاخود تۆمەتبارانى ئەو روداوەدا دەگەڕێت.