بڕیاربو ئەمڕۆ فەرمانبەرانی
گرێبەست لە بەردەم بینای ئەنجومەنی وەزیران لە هەولێر گردبونەوەیەک ئەنجامبدەن،
بەڵام لەلایەن هێزە ئەمنییەکانەوە رێگەیان پێنەدرا.
هەواڵ:KNNC
نوێنەری فەرمانبەرانی
گرێبەست لە شاری هەولێر بە کەی ئێن ئێن-ی راگەیاند: "بڕیاربو ئەمڕۆ لە شاری هەولێر
خۆپیشاندانێک ئەنجامبدەن، بەڵام هەرەشەمان لێکراو و رێگە بە خۆپیشاندانەکەمان
نەدرا".
هەروەها ئەو هەواڵانەی رەتکردەوە کە باس لە دەستگیرکردنی فەرمانبەرانی
گرێبەست دەکەن و رایگەیاند، هیچ فەرمانبەرێکیان دەستگیرنەکراوە و سەرجەمیان
سەلامەت.
لە هەرێمی کوردستان زیاتر
لە 30 هەزار مامۆستا و فەرمانبەری گرێبەست هەن، کە 12 هەزاریان لە پارێزگای هەولێرن،
بڕیاربو بە رێپێوان لەبەردەم پەرلەمانی کوردستانەوە بڕۆنە بەردەم ئەنجومەنی وەزیران
و گردببنەوەی ناڕەزایەتی ئەنجامبدەن و بەیاننامەیەکی ناڕەزایی بخوێنەوە، بەڵام هەر
لە بەیانی زووەوە لە شەقامی 60 مەتری هەولێر هێزە ئەمنییەکان بڵاوەیان پێکراو و
رێگە بەو گردبونەوەیە نەدرا.
هەولێر/ هیشام سەعید
270 جار خوێندراوەتەوە