لەیەک ڕۆژدا، دوو هەواڵ سەبارەت بەگەندەڵی لەمیدیاکان بڵاوکرایەوە و زۆرتر وەک دەستکەوت درا بەگوێی هاوڵاتیان.

- لەعێراق، گەرانەوەی بری ١٣٤ ملیار دینار لەوپارە دزراوەی بانکی رافیدەین بڵاوکرایەوە، کەماوەیەک لەمەوپەیێش وەک (دزی سەدە) ناودێر کرا ئەمەش دوای ئەوەی کە لەسەقفەیەکی گوماناویدا، سێ تریلیۆن دیناری قوتی عیراقیەکان سەرەونگومکرا بوو.

- لەهەرێم، سەرۆکی دەستەی دەستپاکی دەڵێ: ئەمساڵ ٧١٣ دۆسیەی گەندەڵی لێکۆڵینەوەی بۆکراوە، بەڵام لەبەر ئەوەی دادگای تایبەت بەکەیسی گەندەڵیمان نیە، ناتوانین تۆمەتباران رەوانەی دادگا بکەین ( شەل نیە قاچی شکاوە)

سەبارەت بەوەی عێراق، جگە لەو سەدان تریلیۆن دینارەی کەلەماوەی ساڵانی رابردوو لەم وڵاتە و لەداهاتی گشتی دیارنیە، ئەوا باسکردن لەگەرانەوەی ١٣٤ ملیار دینار عەیبەیەکی گەورەیە و لەکەیسە زەبەلاحەکانی گەندەڵی و تاڵانی کە ئەم دەوڵەتە تیایدا نوقم بوە، زۆر جار ئەم برە پارەیەی کەباسی لێوەکراوە وەک شیرینی و دەمچەورکردن لەلایەن گەندەڵکاران دراوە بە کاربەدەستان و کەسیش هەر نەیزانیوە.

لەهەرێمی کوردستان نەک هەر کەسانی دوور لەدەسەڵات و چالاکوانان و رووناکبیران ، بەڵکو سەری زمان و بنی زمانی بەرپرسەکان و دەسەڵاتداران ئەوەیە کەگەندەڵی خۆرەی گەورەی حوکمڕانیە و لەریشەوە دەریدەهێنین. بێ ئاگا لەوەی کەتائێستا بەم هەموو ساڵەی دەسەڵات و ئەزموونی حوکمەوە نەیانتوانیوە دامەزراوەیەک بۆ بنەبڕکردنی ئەم دەردە دابمەزرێنن کەپێی دەڵێن دادگا