تەنیا لە سێ مانگى یەکەمى 2025 دا، زیاتر لە سێ هەزار تۆمەتبارى مادەى هۆشبەر لە عێراق دەستگیرکراون، بڕێکى زۆرى مادەى هۆشبەریش دەستى بەسەرداگیراوە.

هەواڵ:KNNC

بەڕێوەبەرایەتی گشتی مادە هۆشبەرەکان و کارتێکەرە دەرونییەکانى عێراق، دەستگیرکردنى سێ هەزار و شەش  تۆمەتبارى ماددەى هۆشبەر و دەستبەسەرداگرتنى 2 تۆن و 166 کیلۆ مادەى هۆشبەرى، تەنیا لە سێ مانگی سەرەتای ئەمساڵدا راگەیاند.

هەر لەوە ماوەیەدا، 973 تۆمەتبارى بەکارهێنەر و بازرگانی ماددە هۆشبەرەکانیش لە دادگا سزایان بەسەردا سەپێندراوە.

لە راگەیەنراوەکەدا ئەوەش هاتوە، لە ئەنجامى روبەڕوبونەوەیان لەگەڵ هێزە ئەمنییەکان 2 تۆمەتبار کوژراون و 13 کەسیشیان لێ بریندار بووە.