لەچوارچێوەى ئەو ئۆپراسیۆنە سەربازییەدا کە ماوەى چوار ڕۆژە لە کەمپى هۆڵ دەستى پێکردوە زیاتر لە 40 ئەندامى داعش دەستگیرکراون.

هەواڵ:KNNC

ئاژانسى هاوار نیوز بڵاویکردەوە، هێزەكانی ئاسایشی ناوخۆ بە بەشداری یەكینەكانی پاراستنی ژنان، ماوەی چوار ڕۆژە ئۆپەراسیۆنێكی ئەمنیان لەناو كەمپی هۆل لە باشوری حەسەكە دەستپێکردوە و تێیدا 43 ئەندامی داعش دەستگیرکراون.

عەبدولڕەحمان عەنتەر، بەرپرسى ئاسایشى کەمپەکانى کانتۆنى جەزیرە رایگەیاند، لە دو ڕۆژى یەکەمى ئۆپەراسیۆنەکەدا27  ئەندامی  داعش دەستگیرکران، لە سێیەم ڕۆژیشدا 16 ئەندامی دیکەى داعش دەستگیر كران و دەستبەسەر سێ چەکیشدا گیرا کە یەکێکیان لە جۆرى کلاشینکۆف بوە ، سەرجەم دەستگیركراوەكانیش گواستراونەتەوە بۆ بەشی ئەمنی بۆ لێكۆڵینەوە.

راشیگەیاند: ئامانجی لە ئۆپەراسیۆنەکە هەڵوەشاندنەوەی شانە نوستوەكانی داعشە لەناو كەمپەكەدا، چونکە زانیاریان هەبوە لە بارەى جموجۆڵی ئەندامی داعش لە ناو کەمپەکە و هەوڵدانیان بۆ هەڵهاتن.