خشتەیەكی پڕ لە یاریی لەم وەرزەدا لە چاوەڕوانی
ریاڵ مەدریدایە، بەجۆرێك بەرەی جامی سوپەری ئەوروپای یەكلایی كردۆتەوە و لە شەش، بەرەی
تریشدا لە جەنگدایە.
وەرزش:KNNC
لەوەڵامی پلانی بۆ وەرزە چڕوپڕو پڕ فشارەكەی ریاڵ
مەدرید لەم وەرزەدا كە بواری پشوی تێدا نەماوەتەوە بەهۆی بەشداریكردن لە شەش، خول
و پاڵەوانێتییەدا، ئەنچیلۆتی ئاشكرایكرد ناوبەناوێك پشو بە یاریزانەكانی دەدات.
ئەنچیلۆتی وتویەتی پشودانەكە جیاواز دەبێت و
دورە لە راهێنان و سەرقاڵبون بە یارییەكان، چونكە رێگە بە یاریزانەكانی دەدات لەگەڵ
خێزان و كەسوكارەكانیان پشوەكانیان بەسەرببەن.
ئەم وەرزەی ریاڵ مەدرید ئەمشەو دەستپێدەكات و لە
ناوەراستی مانگی 7ی ساڵی داهاتودا كۆتایی دێت لە كاتێكدا ئەگەر بگاتە یاریی كۆتایی
مۆندیالی یانەكان.
206 جار خوێندراوەتەوە