رەوشی خەڵکی کوردستان رۆژ لە دوای رۆژ خراپتر و پێداویستی و بژێوی ژیانیان  و دڵراوکێیان زیاتر دەبێت.
سەرەڕای بەرزی نرخی نەوت و نەمانی پاساوی هەبونی قەیران .

داهاتێکی زۆر، رۆژێک بە پاساوی نەهاتنی سولفەی بەغدا مووچە نادەن، رۆژێک له هاتنی سولفەی بەغدا، داهاتی ناوخۆ کەم دەکەنەوە و بۆ دەسەڵاتی جیاجیای خۆیان  دەڕوات.

لەم دۆخەدا ژیان و ئیمتیازی موچە و خەرجی پلە باڵاکان زۆر زیاتری کردوە، ئەمەش بۆشاییەکی گەورەی لە نێوان دەسەڵاتداران و ژیانی توێژە کەم دەرامەتەکە دروستکردوە، ئاگایان لە ژیانی خەڵک نیە، بەبێ ئەوەی باکیان بە مەترسیەکانی نیشتیمان هەبێت.

لە تەخشان و پەخشانی سامانی گشتی بەردەوامن و  کۆشک و تەلار بەرز دەکەنەوە، کۆسپ لە جێبەجێ کردنی  ئەو یاسایانە دروست دەکەن کە خۆیان پەسەندیان کردوە. بۆیە باشترین پڕۆژە کەمکردنەوەی موچە و ئیمتیازی پلە باڵاکانە، چاودێری دامەزراوەکانە لە تەخشان و پەخشانی دەسەڵاتە جیا جیاکانی کوردستان.

ئەرکی پەرلەمانتارانە پێشنیازی پڕۆژەی دادپەروەی بۆ گشت و یاسا لەسەروی هەموان بکات.

خەڵکی کوردستان بە گوشاری خۆیان، پشتیوانی لەم پڕۆژەیە بکەن تا ئەم دەسەڵاتە بێباکە ناچار بە دانانی خاڵێک بۆ بەخۆداچونەوەو راستکردنەوە بکەن، دەنا کارەساتی گەورە بەڕێوەیە.