دەروازەی
پەروێزخان رەتی دەكاتەوە كە تەماتە هاوردەكرابێت و دەڵێت: بەهیچ جۆرێک باری تەماتە
نەهاتوەتە ناو هەرێمی کوردستان.
هەواڵ:
(KNNC)
لەرونكردنەوەیەكدا،
کۆمەڵگای دەروازەی نێودەوڵەتی پەروێزخان بڵاویكردوەتەوە كە تیادا هاتوە: چەند رۆژێکە
دەنگۆیەک بڵاوبۆتەوە گوایە لە دەروازەی پەروێزخانەوە باری تەماتە دێتە ناو هەرێمی
کوردستان، بۆیە هەمو شێوەیەک سەرجەم ئەو
دەنگۆیانە رەتدەکەینەوە و دورە لەڕاستیەوە.
ئاماژەی
بۆ ئەوەشكردوە، بەهەمو لایەکی رادەگەیەنین بەهیچ جۆرێک لە دەروازەکەمانەوە باری
تەماتە نەهاتۆتە ناو هەرێمی کوردستان.
كۆمەڵگای
دەروازەی پەروێزخان راشیگەیاندوە: بەهەمو شێوەیەک پابەندین بەڕێنماییەکانی
وەزارەتی کشتوکاڵ، هەر بۆیە بەپێی ڕێنمایەکانی وەزارەتی کشتوکاڵ ڕێگە بە باری
تەماتە نەدراوە لە دەروازەکەمانەوە بێتە ناو هەرێمی کوردستانەوە.
276 جار خوێندراوەتەوە