جێگری سەرۆکی هەرێم و
کونسوڵی گشتی بەریتانیا لە هەولێر کۆبونەوە و هەردولا جەختیان لە پتەوکردنی پەیوەندییەکانی
نێوانیان کرد.
هەواڵ:KNNC
ئەمڕۆ سێشەممە، مستەفا
سەید قادر جێگری سەرۆکی هەرێمی کوردستان، پێشوازیی لە شاندێکی کونسوڵخانەی گشتیی بەریتانیا
لە هەرێمی کوردستان کرد، کە پێکهاتبون لە (شارڵۆت دیکسن، جێگری نوێی کونسوڵی گشتی
و کەیت شاو، جێگری پێشو.)
لە کۆبونەوەکەدا، جێگری سەرۆکی هەرێم وێڕای سوپاس و پێزانین بۆ رۆڵی جێگری پێشوی کونسوڵی گشتی
لە ماوەی ڕابردودا و نرخاندنی کارەکانی، پیرۆزباییی دەستبەکاربونیشی لە جێگری نوێی
کونسوڵی گشتی کرد و هیوای سەرکەوتنی لە ئەرکە نوێیەکەیدا، بۆ خواست.
هەروەها، پەیوەندییەکانی
نێوان هەرێمی کوردستان و بەریتانیا و چۆنیەتیی پەرەپێدان و فراوانکردنیان، تەوەرێکی
دیکەی گفتوگۆکانی دیدارەکە بو.
72 جار خوێندراوەتەوە