شەپۆلێکی بەهێزی
بارانبارین رو لە هەرێمى کوردستان دەکات و پێشبینی دەکرێت لە
هەندێک ناوچە نزیکەی 50 ملیمەتر باران ببارێت.
هەواڵ:KNNC
دەستەی کەشناسیی عێراق پێشبینی
دەکات، شەپۆلێکی بارانبارین لە رۆژانی سێشەممە و چوارشەممەوە رو لە
ناوچە جیاوازەکانی هەرێمی کوردستان بکات و بڕێکی زۆر باران
ببارێت.
لەو بارەیەشەوە
محەمەد کەمال، شارەزای بواری کەشناسیی ڕایگەیاند: کاریگەریی شەپۆلەکە لەسەر سلێمانی
و گه‌رمیان و هه‌ڵه‌بجه زیاتر دەبێت و لە هەندێک ناوچە ئەگەری بارینی 50
ملیم باران هەیە.
کەشناسیی هەرێمی
کوردستان پێشبینیی دەکات، پلەکانی گەرما دو پلە دابەزن و رەشەباش لە سلێمانی
و کەرکوک گەرمیان بەردەوام دەبێت و گەرمترین ناوچەش گەرمیان دەبێت و فێنکترینیش حاجی ئۆمەران.
لەلایەکی دیکەوە دەستەی
کەشناسی عێراق بڵاویکردەوە، بەرزترین پلەی گەرما زیقاڕ دەبێت کە 41 پلەی سیلیزییە
و نزمترینیش لە نەینەوا دەبێت.
5580 جار خوێندراوەتەوە