ماڵپەڕیکی ئازەربایجانی بڵاویکردوە، ئەسما ئەسەد هاوسەری بەشار ئەسەد داوای جیابونەوە لە ئەسەد دەکات و دەشڵێت، دارایی و ژیانی بنەماڵەی ئەسەد لەلایەن حکومەتی ڕوسیاوە بە توندی سنوردار کراوە.


هەواڵ: KNNC

بەگوێرەی ماڵپەری مۆدێرن ئاز لە زاری میدیاکانی ڕوسیاوە، ئەسما ئەسەد دەیەوێت لە بەشار ئەسەدی هاوسەری جیابێتەوە و هاوکات داوای مۆڵەتی تایبەتی لە دادگای ڕوسیا کردوە بۆ ئەوەی مۆسکۆ بەجێبهێڵێت و بگەڕێتە بۆ لەندەن.

ماڵپەڕەکە ئاماژەی بەوشکردوە، ناوبراو لەژێر کۆنترۆڵی توندی دەسەڵاتدارانی مۆسکۆدایە و چونە دەرەوەی لە پایتەخت و هەرجۆرە کار و چالاکیەکی سیاسی لێ قەدەغە کراوە.

باس لەوەشکراوە، دارایی و دۆخی ژیانی بنەماڵەی ئاسەد لەلایەن ڕوسیاوە بە توندی سنوردرا کراوە هەر ئەمەش بوەتە هۆی ئەوەی ئەسما ئەسەد، هەست بە دڵخۆشی لە ڕوسیا نەکات و داوای جێهێشتنی بکات. 

ئەسما فواز ئەخرەس هاوسەری بەشار ئەسەد سەرۆکی پێشوی سوریا لە لەندەنی پایتەختی بریتانیا لەدایک بوە و کارمەندی بانک بوە لەو وڵاتە.