سەرۆكی هەڵبژێردراوی ئەمریكا، هەڕەشەی سەپاندنی گومرگی زیاتر بەسەر كاڵاكانی وڵاتانی یەكێتیی ئەوروپا دەكات ئەگەر نەوت و غازی زیاتر لەوڵاتەكەی نەكڕن، یەكێتیی ئەوروپاش دەڵێت: ئامادەن بۆ گفتوگۆ و پەرەپێدانی ئاڵوگۆڕی بازرگانی.

هەواڵ:KNNC

ترەمپ، لە پەیامێکدا لە تۆڕی كۆمەڵایەتیی تروس سۆشیال، هۆشداریی دا بە یەكێتیی ئەوروپا لەوەی، ڕوبەڕوی سەپاندنی ڕسوماتی گومرگی زیاتر دەبنەوە، ئەگەر كورتهێنانی بازرگانی لەگەڵ ئەمریكا زیاد نەكەن و گرێبەستی گەورەی نەوت و وزە لەگەڵ وڵاتەكەی ئەنجام نەدەن.

دۆناڵد ترەمپ، بە یەكێتیی ئەوروپای ڕاگەیاندوە، پێویستە قەرەبوی كورتهێنانی گەورەی ئاڵوگۆڕی بازرگانی لەگەڵ ئەمریكا بكەنەوە لەڕێگەی كڕینی نەوت و غازی زیاتر، ئەگەرنا ڕوبەڕوی گەورەترین سەپاندنی گومرگی دەبنەوە.

لای خۆشیەوە، كۆمسیۆنی یەكێتیی ئەوروپا ڕایگەیاند ئامادەیە بۆ گفتوگۆكردن لەگەڵ سەرۆكی هەڵبژێردراوی ئەمریكا لەبارەی چۆنیەتی پتەوكردنی پەیوەندییەكان بەتایبەت لەبواری وزەدا و هەمەچەشنكردنی سەرچاوەی وزەكانیان.