کارەکانی ئەو لیژنەیە کۆتاییهات کە ماوەی هەفتەیەکە لەسەر راسپاردەی وەزیری دارایی فیدراڵ لە هەولێرن، بەپێی زانیارییەکانی دیجیتاڵ میدیای کەی ئێن ئێن، چاوەڕواندەکرێت سبەینێ چارەنوسی موچەی مانگەکانی 11 و 12ـی فەرمانبەرانی هەرێم یەکلاببێتەوە.

هەواڵ:KNNC

بەپێی زانیارییەکانی دیجیتاڵ میدیای کەی ئێن ئێن، ئەمڕۆ شەممە کارەکانی لیژنە هاوبەشەکەی هەولێر و بەغداد کۆتاییهات کە لەسەر راسپاردەی وەزیری دارایی فیدراڵ ماوەی کەمتر لە هەفتەیەکە لە هەولێر، سەرقاڵی وردبینیکردن بون لە خەرجی و داهاتی هەشت مانگی رابردوی هەرێم.

کەی ئێن ئێن، ئەوەشی زانیوە کارەکانی ئەو لیژنەیەکە بۆئەوەیە کە عێراق دڵنیابێت حکومەتی هەرێم خەرجی و داهاتی لەو ماوەیەدا چۆن بوە و داهاتی ناوخۆی چۆن خەرج کردوە.

هاوکات، بڕیارە سبەینێ یەکشەممە لە بەغداد دەرەنجامی کاری لیژنەکە گفتوگۆبکرێت و بڕیار لەسەر ناردنی پارەی دیکە بۆ هەرێمی کوردستان بدرێت، بەوشێوەیەش چارەنوسی موچەی مانگەکانی 11 و 12، یەکلادەبێتەوە.

KNN/ بڕیار نامیق