ئاژانسێکی تورکی بڵاویکردەوە، لە چەند رۆژی داهاتودا شاندێکی دەمپارتی سەردانی ئیمرالی دەکەن و لەگەڵ عەبدوڵا ئۆجەلان کۆدەبنەوە.

هەواڵ:KNNC

بەگوێرەی سەرچاوەیەک بۆ ئاژانسی ئانکاـی نزیک لە جەهەپە، سەرۆککۆماری تورکیا، رەزامەندی داوە و بڕیارە لە هەفتەی داهاتو شاندێکی دەمپارتی کە پێکدێن لە (پەروین بوڵدان) پەرلەمانتاری وان، (سڕی سورەیا ئۆندەر) پەرلەمانتاری دەمپارتی لە ئیستەنبوڵ، سەردانی ئیمرالی دەکەن و لەگەڵ عەبدوڵا ئۆجەلان رێبەری پەکەکە کۆدەبنەوە.

تا ئێستا، دەوڵەتی تورکیا و دەمپارتی ئەو هەواڵەیان پشتڕاست نەکردوەتەوە و پەروین بوڵدان-ـیش رایگەیاند، تاکو ئێستا لەو بڕیارە ئاگادار نەکراونەتەوە.

پێشتریش دەوڵەت باخچەلی سەرۆکی پارتی تەڤگەری نەتەوەپەرست-ی تورکیا(مەهەپە) رایگەیاندبو، دیداری دەمپارتی و ئیمرالی ئەوان زۆر دڵخۆش دەکات بۆیە هیوادارن بەزوترین کات ئەو دیدارە ئەنجام بدرێت.