سەرۆكی ئۆكرانیا ئاشكرایكرد كە ئەو ناوچانەی لەلایەن سوپای روسیاوە داگیر كراون توانای کۆنترۆڵ كردنەوەیان نەماوە.

هەواڵ: (KNNC)

 
رۆژنامەی (Le Parisien)ـی فەڕەنسی بڵاویكردەوە، دوای بەشداریکردنی لە لوتکەی سەرکردەکانی یەکێتیی ئەورووپا لە برۆکسل پایتەختی بەلجیکا، ڤۆلۆدیمیر زیلینسکی رایگەیاندوە: سوپاكەی توانای كۆنترۆلكردنەوەی ئەو ناوچانەی نەماوە كە لەلایەن روسیاوە داگیركراون.

رۆژنامەكە ئاماژەی بۆ ئەوشكردوە، ئەوە یەکەم دانپێدانانی سەرۆكی ئۆكرانیایە كە توانای روبەڕوبونەوەی  سەربازانی روسیایان نەماوە بۆ دەركردنییان لە ناوچەکانی ڕۆژهەڵاتی ئۆکرانیان و نیمچە دوورگەی کریمیا.

رۆژنامە فەڕەنسییەكە ئاماژەی بۆ ئەوەشكردوە، لە (24ـی شوباتی 2022)ـوە جەنگ لەنێوان سوپای روسیا و ئۆكرانیا دەستی پێکردوە، بۆ روبەربونەوەی روسیاش وڵاتانی یەکێتیی ئەوروپا و ئەمەریکا زۆرترین هاوکاریی دارایی و لۆجستییان پێشكەش بەئەو وڵاتە كردوە كە نرخەكەی بەنزیکەی (120) ملیار دۆلار دەبێت.