لە سبەینێوە وەزارەتی خوێندنی باڵا و توێژینه‌وه‌ی‌ زانستی‌ حكومه‌تی‌ هه‌رێمی‌ كوردستان زانكۆلاین بۆ ماوەی‌ (10) رۆژ بۆ دەرچووانی‌ پۆلی (12)ـی ئامادەیی‌ کارا دەکات.

هەواڵ: (KNNC)


وه‌زاره‌تی خوێندنی باڵا و توێژینه‌وه‌ی زانستیی هه‌رێمی كوردستان بڵاویكردەوە؛‌ رۆژی شه‌ممه‌ (21ـی ئه‌یلولی  2024)ـه‌وه‌، له‌ كاتژمێر (12:00)ـی نیوه‌ڕۆ، زانكۆلاین بۆ ماوه‌ی (10) رۆژ بۆ ده‌رچوانی قۆناغی (12)ـی ئاماده‌یی كارا ده‌كرێت و پڕۆسه‌ی پێشكەشكردن بۆ وه‌رگرتن له‌ زانكۆكانی هه‌رێمی كوردستان ده‌ستپێده‌كات.


ئەوەیخستوەتەڕو، وێبسایتی (www.regayzanko.com)  بۆ ده‌رچوانی (12)ـی ئاماده‌یی (زانستی، وێژه‌یی و پیشه‌یی) تا رۆژی (30ـی ئه‌یلول) كارا ده‌بێت، ده‌رچوان له‌و ماوه‌یه‌دا ده‌توانن فۆرمی وه‌رگرتن له‌ زانكۆ و په‌یمانگه‌كان پڕبكه‌نه‌وه، بۆ ئەوە مەبەستەش دەبێت؛ ده‌رچوان سه‌ردانی خوێندنگه‌كانی خۆیان بكه‌ن بۆ وه‌رگرتنه‌وه‌ی ناوی به‌كارهێنه‌ر (Username) و وشه‌ی تێپه‌ڕ (Password).

وه‌زاره‌تی خوێندنی باڵا ئاماژەی بۆ ئەوەشكردوە، بۆ به‌رچاوڕونی زیاتری ده‌رچوانی پۆلی (12)ـی ئاماده‌یی و ئاشنابونیان به‌ سیستمه‌كانی وه‌رگرتن (زانكۆلاین، پارالێل، ئێواران) ده‌توانن سه‌ردانی وێبسایتی (www.regayzanko.com)  بكه‌ن و رێبه‌ری وه‌رگرتن به‌ وردی بخوێننه‌وه‌ وه‌ك بنچینه‌یه‌ك بۆ پڕكردنه‌وه‌ی فۆرمه‌كانیان، یان ده‌توانن سه‌ردانی مه‌ڵبه‌نده‌كانی راوێژكاری زانكۆكان بكه‌ن بۆ وه‌رگرتنی رونكردنه‌وه‌ی پێویست له‌سه‌ر چۆنیه‌تیی پڕكردنه‌وه‌ی فۆرمی وه‌رگرتن به ‌سیستمه‌ جیاوازه‌كان.

راشیگەیاندوە: ئه‌مه‌ش ده‌ره‌فه‌تێكی گرنگه‌ بۆ ئه‌وه‌ی ده‌رچوان به‌ر له‌وه‌ی فۆرمی وه‌رگرتن پێشكه‌ش بكه‌ن، ئاگاداری ورده‌كارییه‌كانی سیستمه‌كه‌ بن و هه‌وڵ بده‌ن خودی خۆیان فۆڕمه‌كان پڕبكه‌نه‌وه‌، دەشڵێت: رو له‌و سه‌نته‌رانه‌ نه‌كه‌ن كه‌ فه‌رمی نین و ته‌نها بۆ ده‌ستكه‌وتنی بڕێك پاره‌ فۆرم بۆ ده‌رچوان پڕده‌كه‌نه‌وه‌، چونكه‌ وه‌زاره‌ت به‌رپرس نابێت له‌هه‌ر هه‌ڵه‌یه‌ك له‌كاتی پڕكردنه‌وه‌ی فۆڕمه‌كانیان.