کەشناسی هەرێم رایگەیاند، ئەمڕۆ پێشبینی نمە باران و تاوە باران دەکرێت، سبەینێش پلەکانی گەرما نزم دەبنەوە.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم پێشبینییەکانی کەشوهەوای ئەمڕۆ و سبەی بڵاوکردەوە و رایگەیاند، ئەمڕۆ ئاسمان نیمچە هەوردەبێت و لەناوچە شاخاوییەکان بۆ هەوری تەواو دەگۆڕێت، لەدوای نیوەڕۆدا لەناوچەکانی دهۆک و ناوچە شاخاویەکانى هەولێر و هەندێک لە ناوچە سنوریەکانى پارێزگاى سلێمانى پێشبینى نمە باران و تاوە باران دەکرێت.

دەشڵێت: کاریگەری ئەو شەپۆلە بەشێوەیەکی لاواز درێژ دەبێتەوە بۆ سەر ناوچەکانی ناوەراستی هەرێم لەکاتەکانی ئێوارە کاریگەری بەلاوازی لەناوچە شاخاوییە سنووریەکانی باکور دەمێنێتەوە. 

سەبارەت بە کەشی سبەینی شەممە دەڵێت: ئاسمان لە نێوان  نیمچە هەور و پەڵە هەوردا دەبێت  پلەکانی گەرما کەمێک بەرزتر دەبێتەوە و تەنها لەسنورى ناوچەکانى پارێزگاى دهۆک نزێک دەبێتەوە لە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :
هەولێر: 35 پلەى سیلیزى
سلێمانی :34   پلەى سیلیزى
دهۆک : 31 پلەى سیلیزى
کەرکوک: 37 پلەى سیلیزى
هەڵەبجە:  34 پلەى سیلیزى
زاخۆ:  30 پلەى سیلیزى
حاجی ئۆمەران : 22 پلەى سیلیزى
سۆران:  32 پلەى سیلیزى
گەرمیان : 36 پلەى سیلیزى