لە روداوێکی دەگمەندا دەسەڵاتدارانی زامبیا ڕایانگەیاند، ئەفسەرێکی پۆلیس لە شەوی سەری ساڵدا 13 تۆمەتباری دەستبەسەرکراوی ئازادکردوە و پێیوتون بچن ئاهەنگی سەری ساڵ بگێڕن.

هەواڵ: KNNC

لەبارەی روداوەکەوە، وتەبێژی پۆلیسی زامبیا بە میدیاکانی وتوە، ئەو ئەفسەرە "بە زۆر کلیلی زیندانەکانی وەرگرتوە" و  ئەو کارەی کردوە، دوای ئازادکردنی دەستگیرکراوەکان، ئەفسەرەکە بەهۆش خۆی هاتوەتەوە و هەڵاتوە، بەڵام دواتر دەستگیر کراوە.

ئاماژەی بەوەشکردوە، "زیندانەکان  پیاو و ژنیش بون، ئەفسەرەکە بردونیەتییە دەرەوە و پێی وتون ئێوە ئازادن  بچن بەشداری لە ئاهەنگی  ساڵی نوێ دا بکەن.

بە گوتەی وتەبێژی پۆلیسی زامبیا، زیندانییەکان، تاوانباربون  بە دەستدرێژی سێکسی  و دزیکردن و تا ئێستا دەستگیر نەکراون.

روداوەکە دەنگدانەوەی هەبوە لە وڵاتەکەدا و دیکسۆن جارێ، پارێزەر و وتەبێژی پێشوی سەرۆکی زامبیا لە بارەی ڕوداوەکەوەلە تۆڕی کۆمەڵایەتی فەیسبوک نوسیویەتی: هەر جارێک بیر لە روداوەکە دەکەمەوە دەستدەکەم بە پێکەنین، بەڕاستی جێی پێکەنینە.