لە دانیمارک لە کۆتا چرکەکانی کۆتا شەوی ساڵدا دەستدەکەن بە شکاندنی قاپ و پەرداخی شوشە وەک نەریتێکی ساڵانەیان، ئەوان بروایان وایە بەو کارەیان  بەختی خراپیان لێ دوردەکەوێتە و بەختی باشیش ڕویان تێدەکات.

 هەمەڕەنگ: KNNC


 لە دانیمارک نەریتێکی ناوازە هەیە کە هەمو ساڵێک لە 31ی کانونی دوەمدا، لەبری ئەوەی قاپ و پەرداخە  بەکارنەهێنراوەکان فڕێ بدەن، هەڵیدەگرن و  تا کۆتایی ساڵ و  بە سۆزەوە بەرامبەر دەرگای هاوڕێ و خزمەکانیان دەیانشکێنن.

ئەو شکاندنەش بەمانای وازهێنانە لە ڕابردو، هەروەها دەستپێکردنی ژیانێکی نوێ دێت، لە کاتێکدا ڕەنگە شکاندنی  شوشەکان وەک نەریتێکی وێرانکەر دەرکەوێت، بەڵام لە ڕاستیدا تەواو خۆش و چێژبەخشە بۆ دانیمارکییەکان و ڕێگایەکە بۆ پەیوەندیکردن لەگەڵ خۆشەویستان و ئاهەنگ گێڕان بە بۆنەی دەستپێکردنی ساڵی نوێ.

لەگەڵ ئەوەشدا ئەوان بڕوایان وایە، دەنگی شوشە شکاوەکان کە لەبەردەم دەرگاکاندا دەیشکێنن ڕۆحە خراپەکان دور دەخاتەوە لێیان و بەختێکی باشیشیان بۆ دەهێنێت لە ساڵی نوێدا.

سەرچاوەی ئەم نەریتە بە تەواوی ڕون نییە، بەڵام وا بیر دەکرێتەوە کە وەک ڕێگەیەکە بۆ نیشاندانی پێزانین بۆ ژیان و سوپاسکردنی ئەو کەسانەی کە شوشەکە لەبەردەم ماڵیاندا دەشکێندرێت، ئەوان لە ڕێگەی شکاندنی شوشەکانەوە بە دۆست و کەسە نزیکەکانیان دەڵێن سوپاس بۆ بونتان و هیوای بەختێکی باشتان بۆ دەخوازین لە ساڵی داهاتودا.

لەکۆتایدا، شکاندنی شوشەکان نەریتێکی ناوازەیە لە دانیمارک کە لە رێگەی  چەندین نەوە گوازراوەتەوە و ڕێگایەکی جوان و سەرنجڕاکێشە بۆ بەخێرهاتنی ساڵی نوێ و ماڵئاوایی کردن لەو ساڵەی تێیدا ژیاون