کەشناسی هەرێم رایگەیاند، ئەمڕۆ ئەگەری کەمێک نمە باران هەیە و سبەینێش پلەکانی گەرما کەمێک بەرزدەبێتەوە.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، ئەمڕۆ ئاسمان بەگشتی نیمچە هەوردەبێت، ئەگەری نمەباران هەیە لەسەر هەندێک ناوچەی شاخاوی بەتایبەت لە سنوری پارێزگای سلێمانی و بەشێك لە ناوچەکانی سنوری پارێزگای هەولێر، لەگەڵ دروستبونی تەم لەسەر هەندێک لە ناوچە شاخاوییەکان.

سەبارەت بە کەشی سبەینێ سێشەممە کەشناسی هەرێم رایگەیاند، ئاسمان بە گشتی نیمچە هەوردەبێت و پلەکانی گەرما بەراورد بە ئەمڕۆ کەمێک بەرزتر دەبێتەوە.

بەرزترین پلەکانی گەرمای پێشبینیکراو بە پلەی سیلیزی:

 
هەولێر : 15پلەى سیلیزى
سلێمانی : 13پلەى سیلیزى
دهۆک : 14 پلەى سیلیزى
کەرکوک : 17 پلەى سیلیزى
هەڵەبجە : 13 پلەى سیلیزى
زاخۆ : 14 پلەى سیلیزى
گەرمیان : 18 پلەى سیلیزى
بەشى پێشبینى 06- 01- 2025