پێشنیوەڕۆی ئەمڕۆ، سەرۆکی حکومەتی هەرێمی کوردستان بە سەردانێکی فەرمی گەیشتە ئەنقەرەی پایتەختی تورکیا.

هەواڵ:KNNC

حکومەتی هەرێم لە تۆڕی کۆمەڵایەتی فەیسبوک بڵاویکردوەتەوە، پێشنیوەڕۆی ئەمڕۆ سێشەممە، مەسرور بارزانی سەرۆکی حکومەتی هەرێمی کوردستان بە سەردانێکی فەرمی گەیشتوەتە ئەنقەرەی پایتەختی تورکیا.

دەشڵێت: لەو سەردانەدا سەرۆکی حکومەت، لەگەڵ ڕەجەب تەیب ئەردۆگان، سەرۆككۆماری توركیا و هاکان فیدان، وەزیری دەرەوە و ژمارەیەک بەرپرسی باڵای دیکەی ئەو وڵاتە کۆ دەبێتەوە.

حکومەتی هەرێم ئاماژەی بەوەشکردوە، گفتوگۆ لەبارەی پەرەپێدانی پەیوەندیی دوولایەنە و دوایین پێشهاتەکانی دۆخی گشتیی عێراق و ناوچەکە دەكرێت و بە تایبەتی گۆڕانکارییەکانی سوریا تاوتوێ دەکرێن.