وەزارەتى پێشمەرگە گەیشتنى هاوکارى هێزەکانى هاوپەیمانان و دابەشکردنى بەسەر ئەفسەر و پێشمەرگەکانى سەر بە وەزارەتەکەیان راگەیاند.

هەواڵ:KNNC

وەزارەتەکە لە راگەیەنراوێکدا دەڵێت: دوای ئەوەی هاوکاری هێزەکانی هاوپەیمانان بۆ هێزی پێشمەرگە خرایەسەر هەژماری وەزارەتی پێشمەرگە، بەڕێوەبەرایەتی گشتی بودجە و بەرنامەکان(ژمێریاری سەربازی)، رێکارە دارایی و ژمێریارییەکانی ئەنجام داوە.

ئاماژە بۆ ئەوەکراوە کە سبەینێ چوارشەممە، 8ـى کانونى دوەمى 2025 هاوکارییەکە بۆ مانگى 12ـى ساڵى 2024 بەسەر ئەفسەر و پێشمەرگەکانی سەر بە وەزارەت و لیواکانی پیادە دابەشدەکرێت.

ئەوەشخراوەتەڕو کە لەئێستادا 37730 پێشمەرگە و ئەفسەرانى سەربە وەزارەتى پێشمەرگە لەڕێی پرۆژەى "هەژمارى من" هاوکارییەکە وەردەگرن و بەشێکى دیکەیشیان لەڕێی سیستمى بانکییەوە وەریدەگرن.