دوو پاسەوانی سنور لە زاخۆ شەهیدبون، پاسەوانێکی دیکەش بریندار بو رەوانەی نەخۆشخانەکراوە.

هەواڵ:KNNC

پەیامنێری کەی ئێن ئێن لە زاخۆ رایگەیاند، کاتژمێر (11:00)ـی بەیانی ئەمڕۆ هەینی سێ پاسەوانی سنور رەوانەی نەخۆشخانەی فریاکەوتن کراون و بەهۆی سەختی برینەکەیانەوە دوو لە پاسەوانەکان گیانیان لەدەستداوە و تەرمەکانیان رەوانەی پزیشکی داد کراوە.

وتیشی: یەکێکی دیکە لە پاسەوانەکان بریندارە و تەندروستی جێگیرە.

هاوکات، ئەمیر علی بەڕێوەبەری تەندروستی زاخۆ بە کەی ئێن ئێنی راگەیاند، ئەو دوو پاسەوانەی گیانیان لەدەستداوە یەکیان تەمەنی 41 ساڵە و ئەوەی دیکەیان تەمەنی 40 ساڵە.

پەیامنێری کەی ئێن ئێن راشیگەیاند، روداوەکە لە گوندی شیلانی بوە و بەهۆی هەڵدانی گولـلە هاوەنێکەوە بوە، بەڵام تا ئێستا شوێنی هەڵدانەکەی نادیارە.

یوسف شەرەفانی – زاخۆ