کەشناسیی عێراق هۆشداری لە هاتنی شەپۆلێکی بارانبارینی بەخوڕ و بای بەهێز دەدات و ڕایدەگەیەنێت: لە سێشەممەوە و بۆ ماوەی هەفتەیەک کاریگەریی شەپۆلەکە لەسەر ناوچەکە بەردەوام دەبێت.

هەواڵ:KNNC

کەشناسی عێراق پێشبینییەکانی کەشوهەوای بڵاوکردەوە و ڕایگەیاند: لە ڕۆژی سێشەممەوە شەپۆلێکی بارانبارنی بەخوڕ و ڕەشەبا ڕو لە ناوچەکە دەکات، کە دەتوانرێت پێی بوترێت جەنگی کەشوهەوا و کەشی ناوچەکە ناسەقامگیر دەبێت و بارانبارینی چڕ و بەخوڕی لەگەڵدا دەبێت.

لەبارەی ماوەی شەپۆلەکە کەشناسییەکە ئاماژەی بەوەداوە، کە شەپۆلەکە ماوەی شەش ڕۆژ بەردەوامی دەبێت و کاریگەرییەکەی لەسەر ناوچەکە دەمێنێتەوە.

ئاماژەی بەوەشکردوە، بایەکی بەهێز هەمو ناوچەکانی عێراق دەگرێتەوە و بەهۆی ماوەی درێژخایەنی نزمە پاڵەپەستۆی ئاسمانی وڵاتەکە، رەنگە ببێتەهۆی دروستبونی لافا.