شەوی رابردو تورکیا سنوری قەزای ئامێدیی بۆردومان
کرد، ئەندامى رێكخراوێکى ئەمەریکیش ئاشکرایدەکات کە لەدوای پەیامەکەی ئۆجەلانەوە ئەوە
هەشتەم هێرشی ئاسمانى سوپای تورکیایە بۆسەر هەرێمی کوردستان.
هەواڵ:KNNC
کامەران عوسمان، ئەندامی رێكخراوی سی پی تی لەمیانی
بەشداریکردنی لە گەشتی هەواڵەکانی کەناڵى کەی ئێن ئێن راگەیاند: شەوی
رابردو سوپای تورکیا بە هێلیکۆپتەر هێرشی کردە سەر چیای لینکی لە ناحیەی
دێرەلوك لە قەزای ئامێدی.
ئاماژەی بەوەشکردوە: گەریلاکانی پارتی کرێکارانی کوردستان
- پەکەکە، بە تەقەکردن وەڵامی هێرشەکەیان داوەتەوە، بەڵام هیچ هاوڵاتییەک نەبوەتە
قوربانی، بەهۆی نزیکی هێرشەکەش لەناو ناحیەی دێرەلوك، ترس و دڵەڕاوکێ لەناو
هاونیشتیمانیان دروست بوە.
وتیشی: لە دوای بڵاوبونەوەی پەیامەکەی عەبدوڵا
ئۆجەلان لە رۆژی 27ـی شوبات، تائێستا تورکیا هەشت جار بە توندی هێرشی
ئاسمانی بۆسەر خاکی هەرێمی کوردستان ئەنجامداوە و دەیەوێت ئەو بارەگایانەی خۆی بپارێزێت کە
لە سنورەکان جێگیریی کردون.
144 جار خوێندراوەتەوە