ئیسماعیل بەقايی، وتەبێژی وەزارەتی دەرەوەی ئێران ڕایگەیاند: کۆبونەوەی نێوان وڵاتەکەی و ئەمەریکا  کە بڕیار بو ڕۆژی چوارشەممە بەڕێوە بچێت، لەسەر پێشنیازی عومان بۆ ڕۆژی شەممە 26ـی نیسان دواخرا.

هەواڵ:KNNC

ئێوارەی ئەمڕۆ سێشەممە، وتەبێژی وەزارەتی دەرەوەی ئێران، ئیسماعیل بەقايی رایگەیاند لەسەر پێشنیازی وڵاتی عومان و لەسەر خواستی هەردولا کۆبونەوەی هونەری نێوان ئەمەریکا و ئێران کە بڕیار بو سبەینێ بەڕێوە بچێت، دواخرا  بۆ رۆژی شەممە 26ـی نیسان.

دانوستانەکانی نێوان ئەمەریکا و ئێران تا ئێستا دوگەڕی تەواو کردوە و بڕیاریش بو سبەینێ چوارشەممە  گەڕی سێیەمی دانوستانەکان بە ئامادەبونی نێوەدگیرەکان لە وڵاتی عومان و لە شاری مەسقەتی پایتەخت بەڕێوە دەچێت.

پێشتر لەبارەی کۆبونەوەکەوە جێگری وەزیری دەرەوەی ئێران کازم غەری بابادی ، ڕایگەیاند بو بۆ ئەوان پیتاندنی یۆرانیۆم هێڵی سورە و سازش لەو بابەتە ناکەن لە دانوستانەکانیان لەگەڵ ئەمەریکا.

لای خۆشیەوە  رۆژنامەی  ئیسرائیل هایۆم  چەند رۆژێک پێش ئێستا و  بە پشت بەستن بە بەرپرسانی باڵای ئەمەریکی ڕایگەیاندبو؛ کە دانوستانەکانی ئەمەریکا لەگەڵ ئێران شکست دەهێنێت کاتێک واشنتۆن داواکارییەکانی خۆی بخاتەڕو.