وەزارەتی تەندروستی عێراق ئاماری 24 کاتژمێری ڕابردووی توشبوون و چاکبونەوە و مردنی بە کۆرۆنا بڵاوکردەوە و بەپێی ئامارەکە حاڵەتەکانی چاکبونەوە زیاترە لە توشبوون.

بەپێی ئامارەکەی وەزارەتی تەندروستی لە 24 کاتژمێری ڕابردوودا 2 هەزار و 229 کەس توشی ڤایرۆسەکە بوون و لەبەرامبەردا 2 هەزار و 274 چاکبونەوە لە نەخۆشیەکە.

هەروەها بەهۆی ڤایرۆسەکەوە 100 کەس گیانی لەدەستداوە و بەوەش ژمارەی گیان لە دەستدان گەیشتە 3250 کەس.

ئەوە لەکاتێکدایە لە ئێستادا 29 هەزار و 467 کەس لە نەخۆشخانەکانن و لەو ژمارەیەش 412 کەسیان باری تەندورستیان ناجێگیرە و لە ژێر چاودێری ورددان.