کۆمیسیۆنى باڵاى سەربەخۆى هەڵبژاردنەکانى
عێراق سێ لیژنەى تایبەت بە سکاڵاکانى پرۆسەى دەنگدانى تایبەت و گشتى بۆ هەڵبژاردنى
خولى شەشەمى پەرلەمانى کوردستان پێکهێناوە.
هەواڵ:KNNC
بەپێی نوسراوێک کە لەلایەن کۆمیسیۆنى باڵاى
سەربەخۆى هەڵبژاردنەکانى عێراقەوە دەرکراوە و واژۆى سەرۆکى ئەنجومەنى کۆمیسیارانى
لەسەرە بڕیاردراوە بە پێکهێنانى سێ لیژنە بۆ بەدواداچونى ئەو سکاڵایانەى لە رۆژانى دەنگدانى گشتى و تایبەت تۆمار
کراون.
بەپێی بڕیارەکە هەر لیژنەیەک لە سەرۆکێک و سێ
ئەندام پێکدێت لیژنەیەکیان تایبەت بە بازنەى هەولێر و لیژنەیەکیش بۆ بازنەکانى
سلێمانى و هەڵەبجە و لیژنەیەکیش بۆ بازنەى دهۆک دەبێت.
رۆژى 18ـى ئەم مانگە هەڵبژاردنى تایبەت بۆ
هەڵبژاردنى شەشەمین خولى پەرلەمانى کوردستان و رۆژى 20ـى مانگیش دەنگدانى گشتى
بەڕێوەچو، بەپێی زانیارییەکانی کۆمیسیۆنیش لە دەنگدانى گشتى 71 سکاڵا و لە دەنگدانى تایبەتیش 59 سکاڵا تۆمار کراون.
142 جار خوێندراوەتەوە