كۆمسیۆن هەڵبژاردنەكانی عێراق، ئەنجامە بەراییەكانی هەڵبژاردنی رۆژی (20ـی
10ـی 2024) بۆ خولی شەشەمی پەرلەمانی كوردستان راگەیاند.
هەواڵ: (KNNC)
لە كۆنگرەیەكی رۆژنامەوانیدا، دەستەی باڵای كۆمسیۆنی هەڵبژاردنەكانی عێراق
بڵاویانكردەوە؛ ئەو كەسانەی لە هەرێمی كوردستان مافی دەنگدانیان بۆ خولی شەشەمی
پەرلەمانی كوردستان هەبوە لە دو ملیۆن (899) هەزار و (578) دەنگدەر پێكهاتوە، لەو
ژمارەیە دو ملیۆن و (87) هەزار (972) دەنگدەر، دەنگیان داوە.
رونیانكردەوە؛ رێژەی بەشداریكردنی هاوڵاتیانی هەرێم بۆ خولی شەشەمی
پەرلەمانی كوردستان لە (72%) بوە.
ئاماژەیان بۆ ئەوەشكرد، ئەو ئەنجامەی بڵاودەكرێتەوە بەراییە هیچ كەس و
لایەنێك ناتوانێت تانەی لێبدات تا ئەو كاتەی تەواوی ئەنجامەكان بڵاودەكرێتەوە كە
ئێستا و بەرێژەی لە (99.63) ئەنجامەكانە و دوای گەیشتنی دەنگەكانی ئەو (26) بنكە و
جیاكردنەوەی تەواوی ئەنجامەكان ئاشكرا دەكرێت.
1549 جار خوێندراوەتەوە