بەپێی سەرچاوە سعودییەكان یانەی نەسڕ هاوشێوەی یانەی
ئینتەرمیامی بە بانگهێشتنامەی تایبەتی فیفا بەشداری لە مۆندیالی یانەكاندا دەكات.
وەرزش:KNNC
لەسعودیە و بەتایبەتی هاندەران و هەوادارانی یانەی
نەسڕ كە كریستیانۆ رۆناڵدۆ لە ریزەكانیدا یاری دەكات، لە چاوەڕێی راگەیاندنی فەرمی
بەشداریكردنی یانەكەیاندان بۆ بەشداریكردن لەپاڵەوانێتی مۆندیالی یانەكان.
سەرچاوە سعودییەكان باس لەوەدەكەن، یەكێتی تۆپی پێی
نێودەوڵەتی بانگهێشتنامەیان رادەستی یانەی نەسڕ كردوە بۆ ئامادەبون لە مۆندیالەكەدا
هاوشێوەی یانەی ئینتەرمیامی كە مێسی ئەفسانە یاری بۆ دەكات.
دوای زیادكردنی ناوی ئینتەرمیامی بۆ مۆندیالی یانەكان،
فیفا رایگەیاند ژمارەی یانە بەشداربوەكان بۆ 31 یانە بەرزبۆتەوە و تەنیا یانەیەك
ماوە بۆ پاڵەوانێتیەكەی زیاد بكەن.
مۆندیالی یانەكان لە نێوان 15ی مانگی 6 بۆ 13ی
مانگی 7ی ساڵی داهاتو لە یاریگا جیاجیاكانی ئەمریكا بەڕێوەدەچێت.
166 جار خوێندراوەتەوە