حكومەتی هەرێم رێنماییەكانی جێبەجێکردنی قەدەغەی هاتوچۆی لە رۆژانی بۆ سەرژمێری گشتیی دانیشتوان هەرێمی بڵاوكردەوە.

هەواڵ: (KNNC)


حكومەتی هەرێمی كوردستان بڵاویكردەوە، بەمەبەستی جێبەجێکردنی پرۆسەی سەرژمێریی گشتیی بەسەرکەوتویی و ئاسانکاری لە جوڵە و هاتوچۆی بژمێر و تیمەکانی مەیدانی کە بۆ جێبەجێکردنی پرۆسەی سەرژمێری  راسپێردراون، هەروەها لایەنە یارمەتیدەرەکانی دەزگا ئەمنییەکان لە ماوەی سەپاندنی قەدەغەی هاتوچۆ لە (20-2024/11/21) ئەم ڕێنماییانەمان دەرکرد:

یەكەم: سەپاندنی قەدەغەی هاتوچۆ لە نیوەشەوی (19-20)ـی تشرینی دوەم لە کاتژمێر (12:00)ی شەو دەست پێدەکات و تا کاتژمێر (12:00)ی شەوی (22/21)ـی تشرینی دوەم بەردەوام دەبێت.

دوەم: جوڵەی هاونیشتمانییان و ئۆتۆمبێل لە کاتی جێبەجێکردنی قەدەغەی هاتوچۆ سنوردار دەکرێت (لە نێوان پارێزگاکان، قەزاکان و ناحیەکان و لە نێوان شارنشین و گوندنشین، یاخود لە نێوان ناحیە و قەزا و بە پێچەوانەوە)  بێجگە لە حاڵەتە مرۆیی و زۆر پێویستەکان و بارودۆخی سروشتی و ئەمنی.

سێیەم: لایەنە ئەمنییەکان و بەڕێوەبەرایەتییەکانی ئامار لە پارێزگاکان و ئیدارەکان سەرجەم (بژمێرەکان،  بەڕێوەبەری گەڕەك/گوند و یاریدەدەرەکانیان، سەرپەرشتیاران و چاودێران) بە فەرمی رێگەیان پێدەدەرێت،  هەروەها رێگە بە فەرمانبەرانی وەزارەتی پلاندانان دەدرێت بۆ جوڵە و هاتوچۆکردن بۆ مەبەستی کاری سەرژمێری، بەهەمان شێوە، رۆژنامەنوسان و راگەیاندکاران کە لایەنە فەرمییەکان رێگەیان پێ داوە و سەندیکای رۆژنامەنووسان و هەڵگری باجی ناساندنن لە دو رۆژی قەدەغەی هاتوچۆدا رێگەپێدراون.

چوارەم: هەمو ئەو کەسانەی کە ئەركیان پێ سپێردراوە و لە ئێشگگریدان لە قەدەغەی هاتوچۆ بەدەرن، وەك کارمەندانی تەندروستی و پزیشکی و خزمەتگوزاری کە لە فەرمانگە و دامەزراوە حکومییەکانن و بە پێی مۆڵەتی فەرمیی فەرمانگەکە و پێش رێکەوتی قەدەغەی هاتوچۆ بۆ بەرژەوەندیی گشتی داوای کار و ئامادەبونیان لێکراوە.

پێنجەم: هاتوچۆی ئۆتۆمبێلی فریاکەوتن، بەرگریی شارستانی، دەوریەی هاتوچۆ و فریاگوزاری و ئۆتۆمبێلەکانی بەڕێوەبەرایەتیی شارەوانی و خزمەتگوزارییەکان لە قەدەغەی هاتوچۆ بەدەرن.

شەشەم: قەدەغەی هاتوچۆ باڵیۆزخانەکان، نێردە دیبلۆماسییەکان، دەزگا نێودەوڵەتییەکان و رێکخراوەکانی نەتەوە یەکگرتوەکان ناگرێتەوە.