بەپێی گشتاندێک کە وەزارەتى دارایی هەرێم بڵاویکردوەتەوە؛ تەمەنى خانەنشینى بەشێک لە توێژەکان لە 60 ساڵى بۆ 65 ساڵى بەرز کراوەتەوە و جەختیش دەکاتەوە کە جگە لەو توێژانە ئەوانەى بە رۆژ و مانگ و ساڵ 60 ساڵى تەواو دەکەن دەبێت خانەنشین ببن.

هەواڵ:KNNC

بەپێی گشتاندنەکەى وەزارەتى دارایی، ئەو کەسانەى کە بڕیارى خانەنشینبون لە تەمەنى 65 ساڵى دەیانگرێتەوە ئەمانەن:

ئەو کەسانەى یاساى راژەى زانکۆیی دەیانگرێتەوە و هەڵگرى ناونیشانى (پرۆفیسۆر، پرۆفیسۆرى یاریدەدەر)ن
پزیشکانى دادوەریی و پزیشکانى سڕکردن و پزیشکانى دەرونى
 راوێژکاران و راوێژکارانى یاریدەدەر لە ئەنجومەنى شوراى هەرێم
فڕۆکەوانى مەدەنى و ئەوانەى وەک کاپتنى فڕۆکە کار دەکەن