بەپێی پێشبینییەكانی كەشوهەوا رۆژی لەرۆژی یەكشەممەوە شەپۆلێكی بارانبارین رو لە هەرێمی كوردستان دەكات و لە سەنتەری شاری سلێمانی و هەڵەبجە بەفردەبارێت.

هەواڵ: (KNNC)

ئەمڕۆ هەینی، هەڤاڵ سدیق، كەشناس رایگەیاند: بەپێی پێشبینییەكانی كەشوهەوا و ئەو وێنانەی لەسەر نەخشە دەركەوتون، كەشێكی ناسەقامگیر ناوچە جیاجیاكان و بەدیاریكراویش لە شەوی یەكشەممەوە شەپۆلێكی بەفروباران بارین شارەكانی هەرێمی كوردستان دەگرێتەوە.

سەبارەت بە ئەو ناوچانەی باران تێیدا دەبارێت رونیكردوەتەوە، بەهۆی هاتنێكی بڕێكی زۆر شێ نمەباران بۆ بارانی مامناوەند دەشتاییەکانی هەولێر و کەرکوک و گەرمیان دەیانگرێتەوە.

كەشناسەكە ئاماژەی بۆ ئەوەشكردوە، هاتنی بارستەهەوایەکی سارد لە جەمسەری ناوچەکانی رۆژهەڵات و باکوری کوردستان، وادەكات بەتەواوی ناوچە شاخاوییەکانی هەولێر، دهۆک، سۆران، راپەڕین، سلێمانی و هەڵەبجە و بەشێک لەناوچە شاخاوییەکانی گەرمیان بەفربارین بەچری دەستپێدەکات.

هەڤاڵ سدیق، كەشناس راشیگەیاند: کاریگەری بارستە هەواساردەکە زیاتر بۆ ئەو ناوچانەی كە بەرزیان لەنێوان (100 بۆ 800) مەتر شۆڕ دەبێتەوە کەمترە، بۆیە پێدەچێت لە سەنتەری پارێزگای سلێمانی و  هەڵەبجە بەفرببارێت.