بەهۆی کەوتنە خوارەوەی فڕۆکەیەکی بێفڕۆکەوانی توركی لە ناحیەی دێرەلوک، هاوڵاتییەکی مەدەنی برینداربو.

هەواڵ: (KNNC)


پەیامنێری كەی ئێن ئێن رایگەیاند: دوانیوەڕۆی ئەمڕۆ شەممە، فڕۆکەیەکی بێفڕۆکەوانی توركیا، لە ناحیەی دێرەلوکی سەر بە قەزای ئامێدی کەوتە خوارەوە و لە ئەنجامدا، هاوڵاتییەک برینداربو.

پەیامنێری كەی ئێن ئێن ئاماژەی بۆ ئەوەشكردوە، هاوڵاتییەکە تەندروستی جێگیرە و بۆ وەرگرتنی چارەسەر رەوانەی نەخۆشخانە ئامێدی کراوە.

لای خۆشییەوە کامەران عوسمان، ئەندامی رێكحراوی (CPT)ـی ئەمەریكی رایگەیاند: روداوەكە لە کاتژمێر (04:55) خولەکی دوانیوەڕۆ لە بانیا چەلکێ لە سنوری ناحیەی دێرەلوکی سەر بە قەزای ئامێدی رویداوە.

رونیكردوەتەوەكە، لەئەنجامی كەوتنە خوارەوەی فڕۆكە بێفڕۆكەوانەكەدا پارچەیەكی بەر قاچ و ملی هاوڵاتییەکە کەوتوە و لە ئێستادا بۆ ئەنجامدانی نەشتەرگەری رەوانەی نەخۆشخانەی گشتی دهۆک دەکرێت.

ئەوەیخستوەتەڕو، تا ئێستا دیار نییە كە خاوەندارێتی فڕۆکە بێفڕۆکەوانەکە بۆ یورکیا یان پارتی كرێكارانی كوردستان (پەکەکە) بوە.